Əlizadə Əsgərli. Heydər Əliyev: dünya sivilizasiyasında elit şəxsiyyət. Bakı,”Elm və təhsil”, 2023, 456 səh.
Azərbaycan Milli Elmlər akademiyası Nizami Gəncəvi adına Ədəbiyyat İnstitutu Elmi Şurasının 22 iyun 2023-cü il tarixli 4 saylı iclasının qərarı ilə çapı tövsiyə edilib.
Ön sözün müəlifi və elmi redaktoru: akademik İsa Həbibbəyli;
Rəyçilər: fəlsəfə elmləri doktoru, professor Rahid Ulusel, filologiya üzrə fəlsəfə doktoru,dosent Aygün Bağırlıdır.
2023-ci il “Heydər Əliyev İli”dir. Kitab Azərbaycan xalqının Ümummilli lideri, müstəqil milli dövlətin qurucusu, görkəmli dövlət xadimi Heydər Əlirza oğlu Əliyevin anadan olmasının 100 illiyinə həsr edilib. “Heydər Əliyev: dünya sivilizasiyasında elit şəxsiyyət”adlı kitab zəngin faktlara, informasiyaya əsaslanıb və Heydər Əliyevin dünyadakı nadir şəxsiyyətini və dühasını təcəssüm etdirib. Kitabda dünya sivilizasiyasının reallıqları onu şərtləndirən və formalaşdıran amillər göstərilib, siyasət diplomatiya, liderlik, habelə, iqtisadiyyat və mədəniyyət sahəsində Ümummilli liderin Şərq və Qərb sivilizasiyasına verdiyi töhfələr və dünyanın tarixi-siyasi şəxsiyyətlərinin Ulu öndərə verdikləri bəşəri qiymət təcəssüm olunub. Kitabda qurucu və yaradıcı milli lider İlham Əliyevin siyasi irs və varislik sahəsində tarixi uğurları, əməli fəaliyyətinə verilən və haqqında söylənilən dəyərli fikirlər ümumiləşdirilib.
