Noyabrın 23-də AMEA-nın Nizami Gəncəvi adına Ədəbiyyat İnstitutunda doktorant və dissertantların “Ədəbiyyatşünaslığın əsasları (5715.01 – Ədəbiyyat nəzəriyyəsi, ədəbi təhlil və tənqid)” fənni üzrə imtahanı keçirilib.
İmtahanda komissiyanın sədri akademik İsa Həbibbəyli, sədr müavini prof. Məmməd Əliyev, komissiyanın üzləri prof. Tahirə Məmməd və prof. Məhəmmədəli Mustafayev və Təhsil şöbəsinin müdiri sos.f.d. Samir Səttarov iştirak etdilər. İmtahanda iştirak edən 5 namizədlə tanış olduqdan sonra komissiyanın sədri akademik İsa Həbibbəyli imtahanın elektron qaydada, şəffaf və obyektiv keçirilməsi haqqında göstəriş verdi. Daha sonra Təhsil şöbəsinin müdiri sos.f.d. Samir Səttarov namizədləri imtahanın keçirilməsi qaydaları ilə tanış etdi. İmtahan uğurla başa çatdı.
