Azərbaycan Milli Elmlər Akademiyası Nizami Gəncəvi adına Ədəbiyyat İnstitutunun baş elmi işçisi, AMEA-nın professoru, filologiya elmləri doktoru Salidə Şəmməd qızı Şərifovanın “Qərb və Şərq ədəbiyyatında janr qarışığının nəzəri problemləri və ədəbi təsiri” (“Теоретические проблемы жанрового смешения и литературного влияния в западной и восточной литературе”) adlı kitabı Moskvanın “U Nikitskix vorot” (“У Никитских ворот”) nəşriyyatı tərəfindən nəşr edilib. Kitabın rəyçiləri, AMEA-nın həqiqi üzvü, Nizami Gəncəvi adına Ədəbiyyat İnstitutunun direktoru İsa Həbibbəyli və Rusiya EA-nın müxbir üzvü, M.A. Qorki adına Ədəbiyyat İnstitutunun direktoru Vadim Polonskidir.
530 səhifəlik “Qərb və Şərq ədəbiyyatında janr qarışığının nəzəri problemləri və ədəbi təsiri” (“Теоретические проблемы жанрового смешения и литературного влияния в западной и восточной литературе”) adlı kitab beş fəsildən ibarətdir. Kitab AMEA-nın Nizami Gəncəvi adına Ədəbiyyat İnstitutunun Elmi Şurasının 3 iyul 2019-cu il tarixli 6 saylı qərarı ilə çapa tövsiyə olunub.
Kitabın PDF variantı Nizami Gəncəvi adına Ədəbiyyat İnstitutunun saytındakı onlayn kitabxanada yerləşdirilmişdir.
Kitabı oxumaq üçün bax: https://literature.az/raAdmin/uploads/files/2021/09/15/22/affd2e612ca7e9bb1fe0ad590f03b6ab.pdf
