Nizami Gəncəvi adına İnstitutun əməkdaşi, filol. e.d. Lütviyyə Əsgərzadə sentyabr ayında Türkiyə Cümhuriyyətində keçirilən iki böyük elmi tədbirdə məruzələrlə iştiraki etmişdir.
Sentyabr ayının 19-22 tarixlərində L.Əsgrzadə Balıkəsir Üniversiteti, Balıkəsir Büyükşehir Bələdiyəsi və Türk Ocakları Balıkəsir Şöbəsi tərəfındən təşkil olunmuş “Milli Mücadele’nin 100. Yılında "Kuva-yı Milliye Şehri Balıkesir" beynəlxalq simpoziumunda “Türk Milletinin Kurtarıcısı Gazi Mustafa Kemal İmajı Azerbaycan Teatro Sahnesinde” mövzusunda məruzə etmişdir.
Sentyabr ayının 26-28 tarixlərində isə Türkiyənin Ərzincan bölgəsində keçirilən, 12 xarici ölkədən, 60 universitetdən, 250 elm adamının iştirak etdiyi “Uluslararası Erzincan Tarihi Sempozyumu”nda Iştirak etmişdir. Simpoziumda Lütviyyə Əsgərzadənin “Erzincan Sürgünü: Sürgünü Içinde Taşiyan Cemal Sureya” mövzusunda məruzəsi maraqla qarşılanmışdır.
