Vüqar Haqverdiyev. “Müasir nağıllar” // Elmi red. Akademik İsa Həbibbəyli. - Bakı: “Nafta-Press” nəşr-tı, 2017.
Azərbaycan Yazıçılar Birliyinin üzvü, AMEA Rəyasət Heyəti aparatının Elm və Təhsil İdarəsinin rəis müavini Vüqar Haqverdiyevin uşaqlar üçün yazdığı “Müasir nağıllar” kitabı “Nafta-Press” nəşriyyatı tərəfindən çap olunub.
Kitabın elmi redaktoru görkəmli ədəbiyyatşünas alim, AMEA-nın vitse-prezidenti, akademik İsa Həbibbəylidir.
Nəşrə müəllifin son illər yazdığı əsərləri, o cümlədən ölkəmizdə Azərbaycan uşaq ədəbiyyatının inkişafı ilə bağlı keçirilmiş mötəbər müsabiqələrdə yüksək yerlərə layiq görülmüş nağıllar daxil edilib.
Kitabda yer almış nağıllar uşaqlar üçün böyük tərbiyəvi əhəmiyyət daşımaqla yanaşı, mövzu, ideya, məzmun və süjet baxımından müasirliyi və orijinallığı ilə seçilir. Müəllif tərəfindən süjetlərə uyğun çəkilmiş rəngli şəkillər isə nağıllardakı obrazları və hadisələri daha aydın təsəvvür etməyə kömək edir.
