Elmi-tədqiqat şöbələri

Azərbaycan mühacirət ədəbiyyatının toplanılması, nəşri, araşdırılması və təbliği

Azərbaycan mühacirət ədəbiyyatı şöbəsi İnstitut Elmi Şurasının 4 iyul 2013-cü il ta­rixli (protokol № 4) qərarı ilə yaradılmış və İnstitut üzrə 10 iyul 2013-cü il ta­­­rixli 82 №-li əmrə əsasən müvəqqəti struktur vahidi ki­mi fəaliyyətə başlamışdır. Azər­­­bay­can MEA Rəyasət Heyətinin 17 oktyabr 2013-cü il tarixli 21/6 №-li qərarı ilə şöbə da­i­mi struktur va­hi­dinə çevrilmişdir.

Şöbədə Azərbaycan mühacirət ədəbiyyatının tarixi və nəzəri prob­lem­lə­ri araş­dı­­rıl­mış, «Azərbaycan mühacirət ədəbiyyatı kitabxanası» kitablar se­riyası üçün Mə­­­­həmməd Əmin Rəsulzadənin, Alazan Baycanın, Mə­həm­məd Sadıq Aranın, Tey­­­­mur Atəşlinin, Abay Dağlının, Ceyhun Ha­cı­bəy­linin, Süleyman Təkinərin əsərləri nəşrə hazırlanmışdır.

Ötən müddət ərzində şöbə əməkdaşlarının 4 kitabı (Nikpur Cabbarlının «El­çin və Azərbaycan mühacirətşünaslığının problemləri» (Bakı: Təhsil, 2014), «Azər­bay­can mühacirət poeziyası» (Bakı: Elm və təhsil, 2014), «Mü­hacirət və XX əsr Azər­baycan ədəbiyyatı məsələləri» (Bakı: Elm və təh­sil, 2015) monoqrafiyaları, «Böyük ədib və mütəfəkkir Əli bəy Hü­seyn­zadə» məqalələr toplusu (Bakı: Elm, 2015)), «Azərbaycan mühacirət ədəbiyyatı kitabxanası» kitablar se­riyasının ilk cildi- «Mə­­­­həmməd Əmin Rəsulzadə» cildi (Bakı: Elm, 2016),  80-dən artıq elmi və el­mi-publisistik məqaləsi (o cümlədən xarici elmi jurnallarda 3 mə­qalə) çap­dan çıxıb.

Fil.f.d., dos. Vilayət Hacıyev xidməti müqaviləyə əsasən siyasi müha­ci­­rə­ti­mi­zin gör­­­kəm­li nümayəndəsi Hilal Münşinin «Azərbaycan Res­pub­li­­kası (tarixi-siyasi oçerk)» (Ber­lin, 1930) kitabını alman dilindən Azər­bay­­can dilinə tərcümə etmişdir. Bu əsər «Azər­baycan mühacirət ədə­biy­ya­­tı kitabxanası» ki­­tablar seriyasının Hilal Mün­­­­şiyə həsr edi­ləcək xüsusi cil­­­dində yer alacaqdır.

2016-cı il oktyabr 10-11-də böyük uğurla keçmiş «Azərbaycan mü­­hacirət ədəbiyyatı: problemlər, reallıqlar, vəzifələr» mövzusunda II Bey­nəl­xalq elmi kon­fransın təşkilində şöbənin əhəmiyyətli rolu olmuşdur.

Şöbə əməkdaşları çoxcildli «Azərbaycan ədəbiyyatı tarixi»nin VII cil­di­nin uyğun hissəsinin (20 m.v.), habelə 10 cildlik «Azərbaycan ədə­biy­ya­tı tarixi»nin bütünlüklə mühacirət ədəbiyyatımıza həsr ediləcək IX cil­di­nin icmal və portret-oçerkləri üzərində də çalışırlar.