Azərbaycan Milli Elmlər Akademiyası Nizami Gəncəvi adına Ədəbiyyat İnstitutunda təhsil alan doktorant və dissertantlar üçün professor və alim heyəti tərəfindən hər həftənin IV günləri saat 16:00-da mühazirələr keçirilir. Doktorant və dissertantlarla yanaşı İnstitutumuzda təcrübə keçən ayrı-ayrı universitetlərin tələbələrinin də elmi biliklərini artırmaq məqsədilə həmin mühazirə və seminarlarda iştirakları təmin olunmuşdur. Mart ayı ərzində ümumilikdə 3 mühazirə keçirilmişdir.
07.03.2024-cü ildə saat 12:00-da fil.e.d., dos. Şahbaz Musayevin “Mirzə Fətəli Axundzadənin doğum tarixinə dair”, 14.03.2024-cü ildə fil.f.d., dos. Zəhra Allahverdiyevanın “Nizami Gəncəvinin həyatı və yaradıcılığı haqqında”, 28.03.2024-cü ildə fil.f.d., dos. Könül Hacıyevanın “İntibah dövrü Azərbaycan ədəbiyyatı və nümayəndələri” mövzusunda mühazirələri dinlənilmişdi.
XATIRLATMA
Doktorant və dissertantların marağını nəzərə alaraq
3.04.2024-cü il saat 11:00-da f.e.d. professor Tahirə Məmmədin “Bədii mətnin təhlili texnologiyası” mövzusunda əlavə seminarı təşkil olunacaq.
4.04.2024-cü il saat 16:00-da fil.f.d., dosent Aygün Bağırlının “Uşaq ədəbiyyatının müasir problemləri” mövzusunda mühazirəsi keçiriləcəkdir.
Doktorant və dissertantların iştirakı vacibdir!
