22 fevral 2023-cü il tarixdə AMEA Nizami Gəncəvi adına Ədəbiyyat İnstitutunun Nizamişünaslıq şöbəsinin aparıcı elmi içisi Təhminə Bədəlova Azərbaycan Dövlət Pedaqoji Universitetinin (ADPU) TÜRKSOY kafedrasının fəaliyyətə başlamasının 5 illiyinə həsr olunmuş tədbirdə iştirak edib.
Dəyirmi masa ətrafında keçirilmiş görüşdə professor Asəf Zamanov və dosent Təhminə Bədəlovanın tərcümə etdikləri “Nizami və müasirləri” monoqrafiyası (Red: akademik Teymur Kərimli) elmi ictimaiyyətə təqdim olunmuşdur.
Tədbirdə Beynəlxalq Türk Mədəniyyəti Təşkilatının (TÜRKSOY) baş katibi professor Sultan Raev, Azərbaycanın TÜRKSOY-dakı daimi nümayəndəsi Elçin Qafarlı, Mədəniyyət Nazirliyinin Beynəlxalq təşkilatlarla əməkdaşlıq sektorunun müdiri Araz Bağırlı, AMEA Məhəmməd Füzuli adına Əlyazmalar İnstitutunun baş direktoru akademik Teymur Kərimli, ADPU-nun rektoru professor Cəfər Cəfərov və bir sıra mötəbər qonaqlar iştirak etmişlər.
Tədbirin sonunda dosent Təhminə Bədəlova TÜRKSOY-un Təşəkkür Bəlgəsi ilə təltif olunub.
