2021-ci il Yunus Əmrənin vəfatının 700-cü ildönümü ilə əlaqədar YUNESKO tərəfindən “Yunus Əmrə ili” elan edilməsi ilə əlamətdardır. “Yunus Əmrə ili” çərçivəsində 03 noyabr 2021- ci il tarixində AMEA Nizami Gəncəvi adına Ədəbiyyat İnstitutunun Türk xalqları ədəbiyyatı şöbəsində elmi seminar keçirilib. XIII əsr Türk övliya şairi Yunus Əmrə həsr olunmuş elmi seminarda Yunus Əmrənin dövrü, həyatı, yaradıcılığı, Azərbaycanla əlaqəsi, divan nüsxələri və yaradıcılığının mövzu dairəsi haqqında şöbənin aparıcı elmi işçisi, Yunus Əmrə irsinin tədqiqatçısı Xuraman Hümmətova ətraflı məruzə ilə çıxış edib. Yunus Əmrə yaradıcılığının şeir şəkilləri haqqında isə prof. Məmməd Əliyev geniş məlumat verib.
