Akademiyanın müxbir üzvü, nizamişünas alim Nüşabə Araslı rəhbərlik etdiyi Nizamişünaslıq şöbəsinin 5 ildir üzərində işlədikləri "Nizami Gəncəvi: həyatı və yaradıcılığı" monaqrafiyası bir daha müzakirə edilmişdir. Şairin son illərdə əldə olunan ən qədim əlyazma nüsxələri əsasında, yeni yanaşmalarla araşdırılmış ədəbi-bədii irsi, nəsil şəcərəsi haqqında monoqrafik tədqiqat artiq tamamlanmaq üzrədir. " Sənətkarın elmi pasportu" seriyasından növbəti kitab olacaq bu tədqiqat Nizami Gəncəvinin 880 illiyində Ədəbiyyat İnstitutunun Nizamisevərlərə gözəl töhfəsi olacaqdır.
