12 fevral 2019-cu il tarixdə Ədəbiyyat İnstitutunun əməkdaşları Clarivate Analytics agentliyinin “Web of Science” Məlumat Platformasından istifadənin təkmilləşdirilməsinə dair maarifləndirici seminarında iştirak etmişlər.
Seminarda “Clarivate Analytics” agentliyinin elmi informasiya resursları üzrə eksperti, linqvistika üzrə fəlsəfə doktoru V.Kurmakaeva rus dilində olan məruzəzəsində “Web of Science” platformasının axtarış imkanları”, “Beynəlxalq jurnalların tələbləri və ona uyğun məqalə yazmaq”, “Məqalələrin dəqiq xülasəsinin hazırlanması” və “Köməkçi vasitələrdən istifadə (EndNote)” barədə danışıb.
Eyni zamanda, V.Kurmakaeva platformada tədqiqatçı profilinin yaradılması məsələsinə toxunmuş və bu cür profillərin peşəkar akademik cəmiyyətə inteqrasiya üçün xüsusi əhəmiyyətə malik olduğunu və istifadəçilər üçün bir çox imkanların mövcud olduğunu vurğulayıb.
