2017-ci il may ayının 22-26-sı tarixlərində Türkiyə Cümhuriyyətinin paytaxtı Ankara şəhərində Türkiyə Cümhiriyyəti Cümhurbaşkanlığı, Başbakanlık, “Atatürk Kültur, Dil ve Tarix Yüksək Qurumu”, “Türk Dili Qurumu” tərəfindən təşkil olunmuş “VIII Beynəlxalq Türk Dili Qurultayı” keçirilmişdir. 34 ölkədən 266 elm adamı Qurultayda təmsil olunmuşdur. İnstitutumuzun əməkdaşları – prof. Tahirə Məmməd və dos. Lalə Həsənova Qurultayın işində fəal iştirak etmiş, həmsədr olduqları bölmələrdə məruzələri dinləmiş, həmçinin müvafiq bölmələrdə məruzələrlə çıxış etmişlər. Tahirə Məmmədin “Müstəqillik dövründə Azərbaycanda ədəbiyyat nəzəriyyəsinin inkişaf meyilləri”, Lalə Həsənovanın “Gündəliklərin forma və məzmun xüsusiyyətləri” mövzusunda çıxışları tədbir iştirakçıları tərəfindən maraqla dinlənilmişdir. Hər iki əməkdaşımız Qurultayda iştiraklarına görə təşəkkür bəlgəsi almışlar.
