Qazaxıstanın paytaxtı Astanada Beynəlxalq Türk Akademiyasının təşkilatçılığı ilə II Beynəlxalq “Böyük Çöl” Humanitar Forumu keçirilib. Forumda türkdilli dövlətlər arasında elmi inteqrasiya, türk ədəbiyyatı və dillərinin tədqiqi, tarix, arxeologiya, etnoqrafiya və digər sahələrdə müasir tendensiyaların və inkişaf meyllərinin öyrənilməsi müzakirə olunub. Dünyanın müxtəlif ölkələrindən 300-ə yaxın alim və tədqiqatçılar tədbirdə iştirak ediblər.
İnstitutumuzun əməkdaşlarıı fil.f.d. Vəfa Davud qızı Hacıyeva “Azərbaycan şairi Nizami Gencevinin dünyagörüşüne dair” elmi məruzəsi ilə; fil.f.d. Ağahüseyn Şükürov isə “Müstəqillik illərində Azərbaycan-qazax ədəbi əlaqələri” elmi məruzəsi ilə Foruma qatılıblar.
