Menu
Национальная Академия Наук Азербайджана
Институт литературы имени Низами Гянджеви

Официальные новости

От имени Президиума НАНА Поздравление сотрудников Академии по случаю 28 Мая – Дня Независимости

28-05-2022 [ 12:16 ] [ прочитано:121 ]
printerA+ | A-
102439

Hörmətli həmkarlar!

1918-ci il mayın 28-də Azərbaycanın müstəqilliyini bəyan edən İstiqlal bəyannaməsinin qəbul edilməsi, müsəlman Şərqində ilk demokratik respublika olan Azərbaycan Xalq Cümhuriyyətinin yaradılması xalqımız üçün böyük tarixi hadisə olmuşdur.

Xalq Cümhuriyyətinin mövcud olduğu 23 ay ərzində Azərbaycanın ilk parlamenti və hökuməti təşkil edilmiş, dövlət atributları, himni qəbul edilmiş, bayrağımız təsdiq olunmuş, idarəçilik strukturları yaradılmış, dövlət quruculuğu sahəsində ciddi tədbirlər həyata keçirilmişdir.

AXC hökuməti xalqımızın maariflənməsini, elm və mədəniyyətin inkişafını dövlət quruculuğunun təməl prinsiplərindən sayaraq, bu istiqamətdə fəaliyyətin müstəqil dövlətçilik ənənələrinə uyğun yenidən qurulmasını milli hökumətin əsas vəzifələrindən biri kimi bəyan etmişdir. Ölkədə elm və təhsilin inkişafına xüsusi diqqət yetirən Cümhuriyyət hökuməti bu sahələrdə milli kadrlar hazırlanması işinin sürətləndirilməsinə xüsusi səy göstərmişdir.

Azərbaycan Xalq Cümhuriyyətinin ölkəmizin dünya birliyi tərəfindən tanınması, beynəlxalq hüququn subyekti olması istiqamətində həyata keçirdiyi işlər 1920-ci ilin aprel ayındakı bolşevik işğalından sonra Azərbaycanın bir dövlət kimi dünyanın siyasi xəritəsindən silinməsinin qarşısını almışdır.

AXC zəngin dövlət quruculuğu təcrübəsi ilə milli dövlətçilik tariximizdə silinməz izlər qoymuşdur. Sovet hakimiyyəti illərində xalqımız tarixi-mədəni yaddaşını, milli dövlətçilik atributlarını məhz AXC-nin yaratdığı ənənələr və Ulu Öndər Heydər Əliyevin respublikamızda uğurla gerçəkləşdirdiyi milli siyasət nəticəsində qoruyub saxlaya bilmiş, xalqımızın müstəqillik arzusunun güclənməsinə və yenidən həqiqətə çevrilməsinə zəmin yaratmışdır.

Ümummilli Lider Heydər Əliyev müasir Azərbaycan dövlətinin məhz 1918-ci ildə yaranmış Azərbaycan Xalq Cümhuriyyətinin varisi olmasını dəfələrlə bəyan etmişdir. Ulu Öndərin siyasi kursunun layiqli davamçısı, adı tarixə Qalib Ali Baş Komandan kimi yazılmış Prezident İlham Əliyevin davam etdirdiyi uğurlu siyasət nəticəsində bu gün Azərbaycan demokratik dövlət quruculuğu və dinamik inkişaf prosesində böyük nailiyyətlər qazanaraq, dünyada tanınır.

Azərbaycan Milli Elmlər Akademiyasında Cümhuriyyət tarixinin daha dərindən və əhatəli öyrənilməsi istiqamətində geniş elmi tədqiqatlar aparılır, kompleks layihələr həyata keçirilir, beynəlxalq və respublika səviyyəli konfranslar təşkil olunur.

Əziz həmkarlar!

Sizi Müstəqillik Günü münasibətilə təbrik edir, xoşbəxt günlər arzulayır, elmi-tədqiqat işlərinizdə uğurlar diləyirik.

AMEA-nın Rəyasət Heyəti

Другие новости