Sabir Rüstəmxanlı: Sözün Dağ Paytaxtı
AMEA-nın Nizami Gəncəvi adına Ədəbiyyat İnstitutunun Müstəqillik dövrü Azərbaycan ədəbiyyatı şöbəsinin baş elmi işçisi, fəlsəfə üzrə elmlər doktoru, professor Rahid Uluselin “Sabir Rüstəmxanlı: Sözün Dağ Paytaxtı” (Bakı: QANUN, 2017) adlı kitabında dövrümüzün qaynar hadisələri fonunda Azərbaycan bədii, ictimai və siyasi mədəniyyətinin görkəmli nümayəndəsi Sabir Rüstəmxanlının həyatı, ədəbi fəaliyyəti və çevrəsindən, milli tarix qarşısında vətəndaş məsuliyyətini dərk edən və etdirən qapsamlı yaradıcılığının bütün nəsillər üçün gərəkliyindən söz açılır. Kitabın elmi redaktoru AMEA-nın vitse-prezidenti, Nizami Gəncəvi adına Ədəbiyyat İnstitutunun direktoru, akademik İsa Həbibbəyli, rəyçisi AMEA-nın müxbir üzvü, professor Tehran Əlişanoğludur.
