Можно многое сказать об усилиях интеллектуалов, которые внесли выдающийся вклад и оставили замечательный след в прошлом и будущем. Они приложили много усилий для улучшения моральных стандартов общества, в котором живут.
Каждый знает человека, который, по его мнению, заслуживает такого уважения, который носит в своих мыслях память об этом человеке и оценивает его поступки и общественную деятельность с его точки зрения. Ибрагим Юсифоглу – один из таких людей, о котором мне хотелось бы сейчас поговорить.
Такие люди, как Ибрагим, своими прекрасными поступками, духовными качествами и чистым сердцем достигли такой высокой степени совершенства, что им не нужно продвигаться по службе. Его диалоги и беседы очаровывают каждого, кто их слышит хоть раз, и всего после пяти минут обмена идеями вы окажетесь в восторге от его выступлений на недели или даже месяцы. Не случайно наши старейшины советовали не сидеть в одиночестве!
Для меня как читателя Ибрагим Юсифоглу, с творчеством которого я знаком, — брат по переписке и друг, успех которого всегда нов. Поэтому мне очень интересно следить за подписью поэта и публициста Ибрагима Юсифоглу.
Поэзия – это взгляд на жизнь изнутри, и чтение стихов Ибрагима Юсифоглу показывает, что он также затрагивал темы, которые бросают вызов мышлению всех наших писателей. Однако способность поэта выражать себя через поэзию выделяет его среди других; он связан со своими корнями, фамилией, очагом и водой.
Akademik İsa Həbibbəyli İbrahim Yusifoğlunun yaradıcılığı haqqında yazır:
"İbrahim Yusifoğlu milli şeirimizin istedadlı və daim axtarışlarda olan nümayəndələrindən biridir. O, şeiri vərdiş, yaxud mütaliədən çox, istedadla təbii ilhamın axarında yazan şairlərdəndir. İstedad İbrahim Yusifoğluna həyatı və insanları şairanə şəkildə, poetik görkəmdə duymaqda və görməkdə bələdçilik edir. İbrahim Yusifoğlunda zəhmət faktoru istedad amili ilə vəhdətdədir. Uzaq dağ kəndində, təmiz və səfalı, çiçəkli, bulaqlı təbiətin qoynunda böyüyüb boya-başa çatan, bütün kənd uşaqları kimi mənsub olduğu ailənin təsərrufat həyatında mükəmməl zəhmət dərsləri keçmiş İbrahim Yusifoğlunun yaradıcılığında istedad şeirin ruhu və qanadı, zəhmət isə mahiyyəti və bəzəyidir. Sözlərdən, fikirlərdən, orijinal bədii təsvir və ifadə vasitələrindən şeirin "inşaat materialları" kimi özünəməxsus şəkildə, yaradıcılıqla faydalanmağı bacaran İbrahim Yusifoğlu, sanki ilhamlı şeirlərinin istedadlı və zəhmətkeş bənnasıdır. Onun qələmindən çıxmış ən yaxşı şeirlər yaratdığı poeziya sarayının kərpicləri kimi uzunömürlüdür. "Ruhuma bircə bu yağış doğmadı" şeirində etiraf etdiyi kimi:
Mənim şeirlərim könül varımdı,
Onlarda həm sevinc, kədər varımdı.
Qəlblərə ələnən yağışlarımdı,
Ruhuma bircə bu yağış doğmadı.
İstedadlı şairin şeirlərində aparıcı xətt saf sevgidir. Təmiz hisslər, ülvi duyğular, pak məhəbbət şairin qəlbindən qələminə süzülür. Bu poetik nümunələr oxucuya mənəvi qida verməklə yanaşı, onu şeirin dərinliyinə aparır. Saf hisslər, ülvi duyğular, məhəbbət İbrahim Yusifoğlunun şeirlərinin leytmotivini təşkil edir.
Şeirlərindəki poetik duyğular, düşüncə tərzi, hisslər, ən əsası, fikrini oxucuya məharətlə çatdırmaq qabiliyyəti alqışalayiqdir.
Göylərin üzünü aldı buludlar,
Hələ qəlb üşüdən külək də əsdi,
Mənim səndə xeyli əmanətim var,
Qaytarsan, bir gilə göz yaşı bəsdi.
"Mənə bircə gilə göz yaşı bəsdi"
İbrahim Yusifoğlunun Vətən mövzusunda şeirləri onun doğma yurda olan məhəbbətini əks etdirir. O, əksər şeirlərdə birbaşa, bəzən də tamam ayrı mövzularda yazdığı, poetik nümunələrdə bir misra ilə də olsa belə, Vətən dərdinə toxunmadan keçə bilmir. Şair şeirlərində təzahür olunan poetik təzad çox böyük ümidlər verir; bu isə orijinal istedadın qismətidir və əsl poeziyanın mahiyyətini təcəssüm etdirir. "Yaşa müstəqillik çağını, Vətən!" adlı şeirində oxuyuruq:
Axır ki, ayırıb düşməni dostdan,
Tanıdın ən qəddar yağını, Vətən!
Qoynun uzaq olsun alovdan, oddan,
Yaşa müstəqillik çağını, Vətən!
Torpaqlarımıza edilən erməni təcavüzünün ilk günlərində, xüsusən, 44 günlük müharibə dövründə İbrahim Yusifoğlu vətənpərvərlik ruhunda yazdığı şeirlərlə əsgərlərimizi döyüşə ruhlandırırdı. Vətən uğrunda həlak olan şəhidlərimizin qəhrəmanlığından bəhs edilən şeirlər onların yaddaşlarda əbədi qalması üçün ən böyük heykəldir və ən böyük nemət isə "Zəfər nəğməsi"dir:
Nəğmələrin müqəddəsi, ulusu,
Meyvələrin ən şirini, sulusu,
Bulaqların ayna kimi durusu,
Zəfər nəğməsi!..
İbrahim Yusifoğlu uzun illər Naxçıvanda təhsil sahəsində səmərəli fəaliyyət göstərib. 1997-ci ildə "Şirvannəşr"də dərc etdirdiyi "Safdır, müqəddəsdir müəllim ömrü" adlı kitabında "Müəllimləri qoruyun" adlı yazısında bu müqəddəs peşə sahiblərinə layiqincə qiymət verilməsi üçün həyəcan təbili çalırdı: "Boyumuz partaya çatmayanda boylarından boy veriblər boyumuza. Əlimiz qələm tutmaq istəyəndə ürəklərindən güc, hərarət veriblər əllərimizə, barmaqlarımıza. Dünyanın ən zəngin lüğət fondunu köçürüblər dilimizə, hafizəmizə. Bəlkə də ona görə də həyatda ən çox həsəd apardığımız peşə sahibləri müəllimlər olublar?! Bəlkə də ona görədir ki, ömrümün 18-ci ilindən başlayaraq əlimə sinif jurnalı alıb, müəllimlik etmişəm... bu saf və müqəddəs adı daşıyıram, bu adla fəxr edirəm..."
Bəli, İbrahim Yusifoğlu təhsilin bütün sahələrində çalışıbdır. 1973-cü ildə Naxçıvan şəhərindəki pedaqoji məktəbi bitirdikdən sonra Şərur rayonunun ucqar dağ kəndləri olan Aşağı Yayçı və Axura kənd məktəblərində 10 ilə yaxın ibtidai sinif və ədəbiyyat müəllimi, 1981-ci ildən 1992-ci ilə qədər təhsil şöbəsində metodist, metodkabinet müdiri, 1992-ci ildən 2019-cu ilədək kadrlar üzrə məsləhətçi vəzifəsində işləmişdir. Bu illər ərzində İbrahim müəllim təhsilimizin inkişafında yaxından iştirak etmişdir. Keçirilən attestasiyaların yekun rəyinə əsasən "Metodist müəllim", "Ali kateqoriyalı müəllim" dərəcəsi almışdır.
1987-ci ildə qazandığı uğurlara görə Azərbaycan Respublikası Təhsil Nazirliyinin "Qabaqcıl Təhsil İşçisi" döş nişanı ilə təltif olunmuşdur. Azərbaycan Müəllimlərinin qurultay nümayəndəsi olmuşdur.
Təhsil sahəsində işlədiyi 50 il müddətində qabaqcıl müəllimlərin iş təcrübəsinin öyrənilib yayılmasında fəal iştirak etmişdir. Naxçıvan Muxtar Respublikasının ömürlərini təhsilə həsr etmiş onlarla pedaqoqların zəngin təcrübəsi əsasında "Safdır, müqəddəsdir müəllim ömrü" seriyasından 8 adda kitab yazıb çap etdirmişdir. Onun "Müəllim ömrü" adlı şeiri bu gün də öz aktuallığını qoruyub saxlayır, sevilə-sevilə oxunur:
Ən parlaq ulduzdu, nur saçan aydı,
Dalğalı dənizdi, ləpəli çaydı,
Ömrü-ömürlərə paylanan paydı,
Safdır, müqəddəsdir, müəllim ömrü.
Günəş hərarətli, dağ vüqarlıdı,
Saçları dalğındı, bəyaz qarlıdı,
Övladlı, nəvəli, gözəl yarlıdı,
Mehriban bir kəsdi müəllim ömrü.
İbrahim Yusifoğlu istedadlı şair, publisist kimi qəlbən vurulduğu müəllimlik peşəsinin də şərəfini bu gün də uca tutur.
İbrahim Yusifoğlu gülərüzlü balaları da yaddan çıxarmayıb. 1980-ci ildən bu günədək onun uşaqlar üçün yazdığı şeirlər, nağıllar, mənzum dramlar "Göyərçin", "Günəş", "Pioner", "Azərbaycan pioneri", "Savalan" kimi uşaq mətbuatında müntəzəm dərc olunubdur.
İbrahim Yusifoğlu yığcam şeirlərdən, nağıl və mənzum pyeslərdən ibarət kitablarını uşaqlara hədiyyə etmişdir.
Ömrünün son 5 ilini AMEA-nın Nizami Gəncəvi adına Ədəbiyyat İnstitutu ilə bağlayan İbrahim müəllim vətənpərvər, dostcanlı, xeyirxah, saf bir insandır. Nurlu siması, şirin ləhcəsi onunla qarşılaşanda insanda xoş təəssürat yaradır. İbrahim müəllim yaxşı həmsöhbətdir. Saatlarla onunla elmi-ədəbi söhbətlər etməkdən doymursan.
Mən əməkdaşımız, həmkarım, böyük qardaş sandığım şair-tədqiqatçı İbrahim Yusifoğluna 70 illiyi münasibəti ilə cansağlığı, uzun ömür, yaradıcılıq uğurları arzu edirəm.
Yubileyiniz mübarək!
