AMEA Nizami Gəncəvi ad. Ədəbiyyat İnstitutunun Nizamişünaslıq şöbəsinin aparıcı elmi işçisi, filologiya üzrə fəlsəfə doktoru Təhminə Bədəlova Bakı şəhəri H.Ağaverdiyev adına 113 saylı tam orta məktəbdə açılmış “Nizami Gəncəvi muzeyi”nin açılışında iştirak etmişdir. Tədbiri giriş sözü ilə məktəbin direktoru Gültəkin Rüstəmova açaraq qonaqları salamlamışdır. Daha sonra 328 nömrəli məktəbin direktoru Asif Nəbiyev çıxış etmişdir. Təhminə Bədəlova “Yay məktəbi” çərçivəsində şagirdlərə “Nizami Gəncəvi yaradıcılığı” adlı mühazirə oxumuşdur. Tədbir qonaqların və şagirdlərin muzey eksponatları ilə tanışlıqla davam etmişdir.
