AMEA-nın Nizami Gəncəvi adına Ədəbiyyat İnstitutunun aparıcı elmi işçisi, filologiya üzrə fəlsəfə doktoru, dosent Pərvanə Məmmədli ABŞ-ın Miçiqan Universitetində “Çağdaş Güney Azərbaycan ədəbiyyatının öndə gələn təmsilçiləri” mövzusunda onlayn tədbirdə məruzə ilə çıxış edib, iştirakçıların suallarını cavablandırıb.
Alim, həmçinin Amerika Türk Çalışmaları Assosasiyasının (AATT) keçirdiyi onlayn beynəlxalq konfransa məruzəsini təqdim edib. P.Məmmədli məruzəsində ABŞ-da elmi dərəcəyə yiyələnən ilk azərbaycanlı alimin kitabından söz açıb. Məruzə iştirakçılar tərəfindən maraqla qarşılanıb və yüksək qiymətləndirilib.
Ədəbiyyatşünas alimin də "İran məşrutə hərəkatı-115! Və "Həmid Nitqidən sonra İran və Azərbaycanda Türk renesansı" adlı məruzələri zoom proqramı ilə İstanbulda keçirilən onlayn beynəlxalq konfransda maraqla qarşılanıb.