Azərbaycan Milli Elmlər Akademiyasının Prezidentinin 2 iyul 2024-cü il tarixli 120 saylı sərəncamına əsasən AMEA Nizami Gəncəvi adına Ədəbiyyat İnstitutunda 2024-cü tədris ili üçün elmlər doktoru (doktorantura və dissertantura) və fəlsəfə doktorluğu (dissertantura) hazırlığı üzrə sənəd verən namizədlərin qəbul müsabiqəsi keçirilib, fəlsəfə doktorluğu üzrə doktoranturaya qəbul imtahanın keçirilməsi ilə əlaqədar müvafiq ixtisaslar üzrə komissiyalar yaradılıb. Doktorantlar 17 sentyabr 2024-cü ildə 5715.01 – “Ədəbiyyat nəzəriyyəsi, ədəbi təhlil və tənqid”, 5716.01 – “Azərbaycan ədəbiyyatı”, 19 sentyabr 2024-cü il tarixində 5717.01 – “Türk xalqları ədəbiyyatı”, 5718.01 – “Dünya ədəbiyyatı” olmaqla 4 ixtisas üzrə test üsulu ilə qəbul imtahanı veriblər. Müsabiqə və imtahandan keçən namizədlərə uğur arzulayırıq.
