2 aprel 2024-cü il saat 16:00-da fil.e.d. Atəmi Mirzəyevin doktorant və dissertantlar üçün "Məhəmməd Füzuli və müasir ədəbiyyatşünaslığın problemləri" mövzusunda məruzəsi olacaq. Məhəmməd Füzuli təkcə Azərbaycan ədəbiyyatının deyil, bütövlükdə Türk dünyasının ən böyük ədəbi şəxsiyyətlərindəndir. Dahi Füzulinin böyüklüyünü göstərən amillərdən biri onun özündən sonra ədəbiyyata təsiridir. Orta əsrlər təzkirələrindən başlayaraq Azərbaycan ədəbiyyatşünaslığının bütün inkişaf mərhələlərində M.Füzuli yaradıcılığı daim diqqət mərkəzində olmuş, müxtəlif elm sahələrinin tədqiqat predmetinə çevrilmişdir. Məruzədə dahi şairin yaradıcılığının müxtəlif istqamətlərdə tədqiqi və araşdırılması məsələlərinə toxunulacaq, yaradıcılığının əsas xüsusiyyətlərinə nəzər salınacaq.
