Qarabağ ədəbi mühitinin görkəmli siması Xurşidbanu Natəvanın anadan olmasının 190 illik yubileyi Azərbaycanın sərhədlərindən uzaqlarda da geniş qeyd edilməkdədir. Bu münasibətlə Albaniyanın Galaktika Poetike ATUNIS portalı Nizami Gəncəvi adına Ədəbiyyat İnstitutunun baş elmi işçisi, filologiya üzrə fəlsəfə doktoru, yazıçı-publisist, şair, Qarabağ müharibəsi veteranı Fəridə xanım Hicranın "Xan qızı Natəvan" poemasını yayımlamışdır. İngilis dilində təqdim olunan bu poema Azərbaycanın, Qarabağın ədəbi simalarının dünyada tanıdılmasına tanınmış ziyalımız Fəridə xanım Hicranın poetik bir töhfəsidir. Poemanı ingilis dilinə Dr.Məsmə Əliyulla qızı İsmayılova tərcümə etmişdir.
