"Çimkent - MDB-nin mədəniyyət paytaxtı-2020" proqramı çərçivəsində Çimkənt şəhərində (Qazaxıstan) böyük qazax şairi və mütəfəkkiri Abay Kunanbayevin 175 illiyinə həsr olunmuş "Abay sözü" onlayn-oxuları keçirilmişdir. Tədbirdə MDB və digər xarici ölkələrdən 253 nümayəndə canlı və onlayn olaraq iştirak etmişdir. Azərbaycandan filologiya elmləri doktoru, professor AMEA Nizami Gəncəvi adına Ədəbiyyat İnstitutunun “Mətbuat tarixi və publisistika” şöbəsinin müdiri Vüqar Əhmədin onlayn-oxulardakı məruzəsi maraqla qarşılanmışdır. Professor Vüqar Əhməd "Çimkent - MDB-nin mədəniyyət paytaxtı-2020" proqramının təsis etdiyi diplomla təltif olunmuşdur.
Qeyd edək ki, Birliyin 2021-ci il Mədəniyyət Paytaxtının fəxri estafeti Düşənbə (Tacikistan Respublikası) şəhərinə təhvil verilmişdir.
