Aprelin 17-də Bakı Avrasiya Universitetinin və Azərbaycan Dillər Universitetinin Nizami Gəncəvi adına Ədəbiyyat İnstitutunda təcrübə keçən tələbələr ilə növbəti görüş keçirildi. Elmi informasiya və tərcümə şöbəsinin müdiri, fil.ü.f.d., dosent Zakirə Əliyeva İnstitutda aparılan elmi tədqiqatların informasiya təminatı, elmi-informativ nəşrlər, İnstitutun saytı haqqında ətraflı məlumat verdi. Tələbələrin fəal iştirakı ilə onları maraqlandıran mövzular üzrə İnstitutun saytında axtarışlar aparıldı, suallar cavablandırıldı.
